Ajo Iben Tagak Tali

Serial Cerita Minang

- Jurnalis

Sabtu, 7 November 2026 - 13:37 WIB

facebook twitter whatsapp telegram line copy

URL berhasil dicopy

facebook icon twitter icon whatsapp icon telegram icon line icon copy

URL berhasil dicopy

JAUAH rantau banyak nan diliek, lamo hiduik banyak nan diraso. Papatah usang ko cocok bana dengan nan dirasoan Ajo Iben.

‎Katiko awal marantau, banyak karajo nan dikakok dek rang sumando Malanca ko.

Mulai dari manggaleh pacah balah, manggaleh kartu lebaran, manjua kutang jo beha, sampai ikuik pasa malam.

‎Bahkan kayu bulek pun akrab di kehidupan Ajo Iben. Hanyo ciek nan ndak dikarajoannyo yaitu mancacak nan talarang dek agamo.

‎Namun Ado pelajaran baharago nan paralu bana dituruik dan dijalani dari Ajo Iben. Dimano di sela kesibukannyo, manuntuik ilmu tatap dilakukannyo.

‎”Dek lai takana maso ka datang makonyo ambo lai makan bangku kuliah di jurusan ekonomi,” Ajo Iben bacarito manganang maso mudonyo.

‎Yuang Garembeh jo Sutan Rajo Pena hanyo maangguak-angguak. Antah paham antah indak, nan jaleh kaduonyo lai maangguak bantuak buruang beo diaja mangecek.

‎”Alhamdulillah, walau indak bastatus cum laude, tapi aden lai punyo ijazah. Ijazah asli nan indak babuek di Pasa Pramuka,” ucap Ajo Iben.

Baca Juga :  Gadang Ota...

‎Ajo Iben memang agak ongeh takaik ijazah tu, karano kini bicaro ijazah agak kritis dan sensitif.

Karano ado urang kampuangnyo nan juo dipanggia Ajo, takuik manunjuakkan ijazahnyo ka urang rami.

‎Jo ijazah itu pulo, Ajo Iben mulai maniti karir dari pegawai ngenek sampai pegawai gadang yang bisa dibuktikan jo paruiknyo nan gadang pulo.

‎”Alhamdulillah kini ambo bisa mamimpin rapek dengan baju diseterika sarato dasi nan indak tingga. Bahkan kini, alah ado pulo nan mambao oto pai jo pulang karajo,” tukuaknyo.

‎Dengan jabatan manajer pengembangan dan pemasaran di sebuah kantua asuransi, alah banyak bahaso nan dikuasoi Ajo Iben, dari Bahaso Minang, Bahaso Jawa, Bahaso Sunda, Bahaso Batak sarato Bahaso Inggirih.

‎”Hanyo Bahaso Urang Aluih dan bahaso urang gilo nan ambo indak bisa,” kato Ajo Iben mengakui kelemahannyo.

Baca Juga :  Sipak Sintuang ..

‎Kini namo Ajo Iben kian manjulang sajak dipicayo manjadi ketua. Indak ketua RT, ketua RW, ketua pemuda atau ketua buru. Tapi ketua partai tingkek provinsi.

‎Jalan Ajo Iben Tantu makin mulus satalah namonyo kian naiak tali. Tigo Au salaku syarat bagi urang Minang untuak sukses alah dikuasoinyo.

‎Untuak bagurau, Ajo Iben iyo subana santiang. Bahkan urang bisu pun kalau basuo Ajo Iben bisa tapanca kantuiknyo.

‎Untuak ka surau, Ajo Iben tantu indak paralu diragukan karano rumahnyo ado di sampiang mushola.

‎Samantaro untuak au nan katigo, Ajo Iben alah mulai baraja-raja. Salah satu buktinyo, kalau anak bininyo ka lapau, pitihnyo barasa dari dompet Ajo Iben.

‎”Singkek carito, Ajo Iben kini babeda dengan Ajo Iben sabalum sabalumnyo. Ajo Iben kini alah barubah manjadi Ajo Iben nan sasungguahnyo. Mulai dari pandanga, panamuah dan juo baiak hati,” Yuang Garembeh mangecek sambia maacuang induak jarinyo. ***

‎

Berita Terkait

Ajo Iben dek Kuro,,, ‎
Bujang Garembeh …‎
Sipak Sintuang ..
Carito Ulek …
Gadang Ota…
Kambeh, Pario dan Pare ‎
Basitagang Tali Mariah ‎
Kumua – kumua … ‎
Berita ini 16 kali dibaca

Berita Terkait

Kamis, 19 November 2026 - 15:51 WIB

Ajo Iben dek Kuro,,, ‎

Sabtu, 7 November 2026 - 13:37 WIB

Ajo Iben Tagak Tali

Senin, 19 Oktober 2026 - 11:56 WIB

Bujang Garembeh …‎

Kamis, 15 Oktober 2026 - 15:50 WIB

Sipak Sintuang ..

Rabu, 14 Oktober 2026 - 17:12 WIB

Carito Ulek …

Berita Terbaru

Hukum

Dari OPM ke KKB, Kini Jadi KEB ‎

Sabtu, 21 Nov 2026 - 16:16 WIB

MBG

Beras SPHP & Minyakita Terlarang di SPPG ‎

Sabtu, 21 Nov 2026 - 13:30 WIB

Sport

Podium untuk Veda Ega ‎

Sabtu, 21 Nov 2026 - 11:06 WIB

Internasional

Kemerdekaan Palestina Didukung 162 Negara, AS “Kekeuh” Menolak 

Sabtu, 21 Nov 2026 - 08:42 WIB

Pendidikan

Sistem Pendidikan Terbaik di Dunia, Ada di Negara Ini ‎

Sabtu, 21 Nov 2026 - 06:25 WIB