Sipak Sintuang ..

Serial Cerita Minang

- Jurnalis

Kamis, 15 Oktober 2026 - 15:50 WIB

facebook twitter whatsapp telegram line copy

URL berhasil dicopy

facebook icon twitter icon whatsapp icon telegram icon line icon copy

URL berhasil dicopy

CARITO hari ko masih saputa Si Am Kompeni. Bukan takaik badannyo nan gadang, bukan pulo karano garegaknyo nan bisa mambuek kucun talingo.

‎Tapi manyangkuik salero Si Am Kompeni nan indak babandrol.

Mungkin iko Pulo nan mambuek paruiknyo tabudua saroman baruak nan sudah manduduik aia karambia manuah.

‎Kalau alah basuo buah jarami nan dihidangan jo jariang batokok sarato samba lado uok, sabalum tandeh isi piriang, alun ka baranti inyo manginyam.

‎Katiko manyungkahan isi piriang, Si Am Kompeni indak paduli jo paluah nan bagalinciran, indak paduli urang rami mancaliak, pun indak peduli urang nan heran jo suoknyo nan tiado hanti.

‎”Kok sadang manyungkah, jan aden digaduah. Itu samo juo manjagoan ula lalok,” baitu parewa nan biaso minum tuak di ujuang labuah tu maingek-an kawan –  kawannyo.

‎Pernah satu katiko Si Am Kompeni hampia balago jo Yuang Godoik hanyo karano Yuang Godoik manggalak-annyo.

Baca Juga :  PSBS Mulai "Berkubang" Masalah! ‎

‎”Baitulah kurenah Si Am Kompeni, kalau alah basuo bareh tanak, urang lain dianggapnyo musuah kasadoe,” kato Ajo Iben.

‎Walau indak dakek bana jo Si Am Kompeni, tapi kurenah parewa loket tu, jaleh sangaik lakek di kapalo Ajo Iben.

‎Dima indak ka lakek, katiko dapek giliran barundo di kampuang, Si Am Kompeni mamintak ka Ajo Iben untuak dibaokan bareh karano paruiknyo biaso mamilin tangah malam.

‎”Kan pariuak jo kuali ado di siko, Ajo mambao bareh, kok sambanyo jatah ambo,” titah si Am Kompeni.

‎Ajo Iben nan antah baa, malam tu elok hati patuah sajo dengan instruksi Si Am Kompeni.

‎Jadilah malam itu Si Am Kompeni, Ajo Iben, Bujang Karibo, Uyun Pandeka sarato Anjang Kaladia baralek di pos rundo makan goreng ayam sarato ikan ameh goreng.

Baca Juga :  Nambah Lagi dengan Tempe Oseng Teri Medan 

‎”Kami baru tigo kali suok, Si Am alah duo tambuahnyo. Yo subana nyo lambuik isi pariuak. Sipak sintuang paja tu kalau alah manyungkah,” lanjuik Ajo Iben.

‎Tapi di situ pulo lengah urang rundo, sasudah makan Si Am Kompeni mangaku Sakik paruik dan minta izin Pai buang aia ka tabek dakek kantua wali.

‎”Dari inyo barangkek hinggo bubar urang rundo, indak baliak paja tu doh. Nan labiah kurang aja, ayam nan inyo bao ruponyo ayam Jamiak kamanakan den,” Ajo Iben malanjuik-an caritonyo.

‎Kalau ayam nan digoreang tu ayam kamanakan Ajo Iben, ruponyo ikan ameh tu nyo jalo di tabek Uyun Pandeka.

‎”Kami sangko yo elok bana parangai Si Am Kompeni, eh bagaleboh urang rami dek sipak sintuangnyo,” Ajo Iben manutuik caritonyo dek indak ado nan bakomentar. ***

‎

Berita Terkait

Ajo Iben dek Kuro,,, ‎
Ajo Iben Tagak Tali
Bujang Garembeh …‎
Carito Ulek …
Gadang Ota…
Kambeh, Pario dan Pare ‎
Basitagang Tali Mariah ‎
Kumua – kumua … ‎
Berita ini 11 kali dibaca

Berita Terkait

Kamis, 19 November 2026 - 15:51 WIB

Ajo Iben dek Kuro,,, ‎

Sabtu, 7 November 2026 - 13:37 WIB

Ajo Iben Tagak Tali

Senin, 19 Oktober 2026 - 11:56 WIB

Bujang Garembeh …‎

Kamis, 15 Oktober 2026 - 15:50 WIB

Sipak Sintuang ..

Rabu, 14 Oktober 2026 - 17:12 WIB

Carito Ulek …

Berita Terbaru

Hukum

Dari OPM ke KKB, Kini Jadi KEB ‎

Sabtu, 21 Nov 2026 - 16:16 WIB

MBG

Beras SPHP & Minyakita Terlarang di SPPG ‎

Sabtu, 21 Nov 2026 - 13:30 WIB

Sport

Podium untuk Veda Ega ‎

Sabtu, 21 Nov 2026 - 11:06 WIB

Internasional

Kemerdekaan Palestina Didukung 162 Negara, AS “Kekeuh” Menolak 

Sabtu, 21 Nov 2026 - 08:42 WIB

Pendidikan

Sistem Pendidikan Terbaik di Dunia, Ada di Negara Ini ‎

Sabtu, 21 Nov 2026 - 06:25 WIB