MUKO Ajo Iben nan biasonyo semanis tebu, kini batua batua indak sero untuak diliek.
Salain alah raso palam pagang, pun balipek sarupo baju nan alun disetrika.
Rono laki adiak Malanca tu, persis bana kereta uap zaman Balando.
Sakali-sakali asok hitam mambubuang tinggi, lain kesempatan suaronyo marepet manahan angek.
”Etek sakik, kok karajo giliran aden jo anak-anak, giliran manarimo adiaknyo nan partamo,” suaro Ajo Iben baturo-turo.
”Kok panek nan ditanyo, indak lalok aden dek karajo sarato bapikia. Sado karajo aden karajoan, sampai – sampai maangkek minyak pun aden sato,” tukuaknyo.
Suga Ajo Iben rasonyo indak pulo salah, karano Etek nan disabuik-sabuiknyo tu memang tampak bana piliah kasiahnyo.
Kok pitih tasurah ka adiak sepupunyo nan bakapalo botak, tapi giliran bapaluah-paluah, itu urusan Ajo Iben jo konco-konconyo.
”Mungkin dek si Abuy tu kapalonyo licin makonyo Etek picayo ka inyo. Mungkin dek kapalo adiaknyo tu samo jo lakinyo,” Buyuang Arab mancari alasan untuak mambanakan kurenah Etek tu.
Tapi apo pun alasannyo, tatap sajo si Abuy bakapalo licin tu mandapek prioritas nomor satu.
Ajo Iben jo kawannyo antah prioritas nomor barapo.
Katiko kapalo Ajo Iben sadang angek-angeknyo, si botak eh si Abuy mancogok dengan galak palasunyo.
”Eh Abang ketua, sudah ketemu dengan Etek? Tadi beliau menanyakan Abang ketua? ” Abuy bertanya dengan lemah lembut tanpa rasa bersalah.
”Kenapa Etek tidak menghubungi saya langsung, kenapa harus lewat waang,” Ajo Iben menjawab dengan mimik naik darah.
”Kalau itu Abuy tidak tau ketua, silahkan saja Abang ketua tanya beliau,” Abuy menjawab dengan raut yang tetap datar.
”Abuy, jangan mentang-mentang waang adeknya Etek. Seenak perut waang saja berkomunikasi dengan Etek, hargai saya sebagai ketua,” Ajo Iben. memperingatkan.
”Kenapa pula Abang ketua marah sama saya. Itu hal Etek, jangan Abang ketua sangkut pautkan dengan hubungan keluarga,” Abuy menjawab tak mau kalah.
”Waang aden peringatkan, hormati aden, jangan bersilantas angan pula,” Ajo Iben dengan muko merah.
Melihat adegan perang kata – kata antaro Ajo Iben dan Abuy, Buyuang Arab hanyo galak tanpa niat untuak malarai samo sakali.
”Percuma sajo dilarai, kaduanyo samo kareh angok dan barajo di hati. Kan basitagang urek mariah indak mambuek mati,” kato Buyuang Arab baralasan.***









